Published - Sun, 09 Oct 2022

Get Started with Google Earth Pro

Get Started with Google Earth Pro

Google Earth ဆိုတာဘာလဲ?

ဂြိုလ်တုဓါတ်ပုံ (Satellite Imagery) တွေကို အဓိကအခြေခံထားပြီး ကမ္ဘာရဲ့ သုံးဖက်မြင် မော်ဒယ် ကို ဖော်ပြတဲ့ ကွန်ပြူတာ ဆော့ဝဲလ် တစ်ခု ဖြစ်ပါတယ်။ Satellite Images တွေ၊ Aerial photography တွေ၊ GIS Data တွေကို သုံးဖက်မြင်မော်ဒယ်ဖြစ်အောင် ပေါင်းစပ်ဖန်တီးထား ပြီး အသုံးပြုသူများကို မြို့တွေ၊ တောင်တန်းတွေ နဲ့ ရှု့ခင်းတွေကို ထောင့်မျိုးစုံမှ ကြည့်ရှု့ နိုင်အောင် ဖန်တီးထားတဲ့ Computer Software တစ်ခုဖြစ်ပါတယ်။

အသုံးပြုသူက ကိုယ်ရဲ့ ကွန်ပြူတာ၊ Laptop ဖြစ်စေ၊ ဖုန်း၊ Tablet နှင့် ဖြစ်စေ အသုံးပြုပြီး ကိုယ် ကြည့်လိုသော နေရာကို ကြည့်ရှု့ နိုင်သလို Search Box ထဲမှာ ကိုယ်ရှာလိုသော လိပ်စာကို ရိုက် ထည့်ပြီး ရှာဖွေနိုင်ပါတယ်။

အသုံးပြုသူက ကိုယ်ပိုင်မြေပုံ အချက်အလက်များကို Keyhole Markup Language (KML) ဖိုင်ဖြင့်၊ လည်းကောင်း၊ Keyhole Markup Language Zipped (KMZ) ဖိုင်ဖြင့် လည်းကောင်း Google Earth အတွင်းသို့ ထည့်သွင်းအသုံးပြုနိုင်သလို Google Earth အားဖြင့် ဖန်တီးထားတဲ့ KML, KMZ ဖိုင်များကို မိမိတို့ Blog များ၊ အခြား ကိုယ် Share လိုသော နေရာသို့ Share ပြီး အသုံးပြုနိုင် ပါသည်။

Operating System များဖြစ်တဲ့ Windows, macOS, Linux, Xbox One, Android, iOS တို့ မှာ သုံးစွဲနိုင်ပြီး၊ https://www.google.com/earth/index.html မှာ အခမဲ့ Download ပြုလုပ်ပြီး အသုံးပြုနိုင်ပြီး၊ Launch Earth in Chrome ဖြင့် လည်း Chrome ကဲ့သို့သော Browser များပေါ်တွင် အသုံးပြုနိုင်ပါသည်။

Application ကို ကွန်ပြူတာ သို့မဟုတ် Laptop မှာ Download ဆွဲ Install လုပ်ပြီးသုံးတာက အသုံးအတည့်ဆုံးမို့ ဒီနေရာမှာ Computer/Laptop ဖြင့် အသုံးပြုပုံကို ဦးစားပေးဖော်ပြသွားမှာ ဖြစ်ပါတယ်။

 

Google Earth ကို Install ပြုလုပ်ခြင်း

Desktop သို့မဟုတ် Laptop နဲ့ အသုံးပြုမယ်ဆိုရင်တော့ https://www.google.com/earth/index.html သို့သွားပြီး Scroll Down လုပ်၍ Google Earth Pro on Desktop ကို ရွေးချယ်၍ သော်လည်းကောင်း၊ Mobile တွင် အသုံးပြုမယ် ဆိုရင်တော့ Google Earth on Mobile ကို ရွေးချယ်၍သော်လည်းကောင်း၊ Play Store သို့ Apple App Store တွင် Google Earth ဟု ရှာဖွေ၍ Install ပြုလုပ်၍ သော်လည်းကောင်း၊ Web တွင်သာ အသုံးပြုမယ်ဆိုရင်တော့ Launch Earth in Chrome ဖြင့် အသုံးပြုနိုင်မှာပဲ ဖြစ်ပါသည်။

Desktop/Laptop Version များကို Download ဆွဲထားသော .dmg ဖိုင်အား မိမိကွန်ပြူတာတွင် Install ပြုလုပ်ပြီး လွယ်ကူစွာအသုံးပြုနိုင်ပါသည်။


Interface

Google Earth Pro ကို ကွန်ပြူတာတွင် Install ပြုလုပ်ပြီး စတင်အသုံးပြုပါက အထက်ဖော်ပြပါ Figure 2 တွင်ပြထားသည့်အတိုင်း Google Earth Pro Interface ကို မြင်တွေ့ရမှာပဲ ဖြစ်ပါသည်။

 

Side Bar

Side Bar သည် Screen ၏ ဝဲဘက်တွင် ရှိမည် ဖြစ်ပြီး၊ မတူညီသော Modules အချို့ ဖြင့် ဖွဲ့စည်း ထားပါသည်။ ထိပ်ဆုံး Search Module အကွက်မှာတော့ လက်တီကျူ့၊ လောင်တီကျူ့ ဖြင့်သော် လည်းကောင်း၊ မြို့ နံမည်ဖြင့်သော်လည်းကောင်း၊ ပြည်နယ်၊တိုင်း နံမည်ဖြင့်သော်လည်းကောင်း၊ တည်နေရာနံမည်၊ လိပ်စာဖြင့်သော်လည်းကောင်း အစရှိသည်ဖြင့် သင်ရှာလိုသော တည်နေရာ ကို ရှာဖွေနိုင်ပါသည်။

အလယ်အကွက်မှာတော့ Place Module ရှိပြီး သင့်ရဲ့ Location Information များကို သိမ်းဆည်ထားနိုင်သော နေရာဖြစ်ပါသည်။

အောက်ဆုံးမှာတော့ Layers Module ရှိပြီး၊ Google Earth မှ ဖန်တီးထားသော Layer များ၊ အချက်အလက်များ၊ ဓါတ်ပုံများကို တွေ့ရှိရမှာပဲ ဖြစ်ပါတယ်။ ဥပမာအားဖြင့် Layer တွေမှာ နယ်နိမိတ်မျဉ်းများ၊ နေရာများ၊ ဓါတ်ပုံများ၊ လမ်းများ၊ သုံးဖက်မြင်အဆောက်အဦများ၊ သမုဒ္ဒရာ ဆိုင်ရာအချက်အလက်များ၊ ရာသီဥတုဆိုင်ရာ အချက်အလက်များ၊ Gallery များ၊ Global Awareness အစရှိသည်တို့ ကို ပါဝင်မှာဖြစ်ပါတယ်။

Tool Bar

Google Earth Pro Interface ရဲ့ ထိပ်ပိုင်းမှာတော့ Tool bar ရှိမှာဖြစ်ပြီး၊ Placemark များဖန်တီး ခြင်း၊ Polygon များရေးဆွဲခြင်း၊ Image Overlay များ ပြုလုပ်ခြင်း၊ လမ်းကြောင်းများထည့်ခြင်း၊ ခရီးစဉ်များအား မှတ်တမ်းတင်ခြင်း၊ Historical Imageများကြည့်ခြင်း၊ ပုံများထုတ်ခြင်း အတွက် Tool စုံစုံလင်လင် ကို တွေ့ ရှိရမှပဲ ဖြစ်ပါတယ်။

Information Bar

Screen ရဲ့ အောက်ခြေမှာတော့ လက်ရှိ သင့်ကြည့်နေသော၊ သင့် Cursor ချထားသော နေရာ၏ အချက်အလက်များ ဖြစ်တဲ့ လက်တီကျူ့ ၊လောင်တီကျူ့ များ၊ မြေမျက်နှာအနိမ့်အမြင့် တို့ ကို ဖော်ပြထားမည် ဖြစ်ပြီး၊ ညာဖက်ထောင့်က Eye Altitude ကတော့ သင့်လက်ရှိကြည့်နေတဲ့ နေရာမှ အမြင့်ကို ဖော်ပြထားမည် ဖြစ်ပါသည်။

Navigation Bar

Screen ရဲ့ အောက်ခြေမှာတော့ လက်ရှိ သင့်ကြည့်နေသော၊ သင့် Cursor ချထားသော နေရာ၏ အချက်အလက်များ ဖြစ်တဲ့ လက်တီကျူ့ ၊လောင်တီကျူ့ များ၊ မြေမျက်နှာအနိမ့်အမြင့် တို့ ကို ဖော်ပြထားမည် ဖြစ်ပြီး၊ ညာဖက်ထောင့်က Eye Altitude ကတော့ သင့်လက်ရှိကြည့်နေတဲ့ နေရာမှ အမြင့်ကို ဖော်ပြထားမည် ဖြစ်ပါသည်။

Navigation Tips

Google Earth မှာ Navigation ပြုလုပ်ဖို့ Mouse အသုံးပြုခြင်းအပြင် Keyboard အားဖြင့် သော်လည်းကောင်း၊ Touchpad အားဖြင့်သော်လည်းကောင်း၊ Joystick အသုံးပြု၍ သော်လည်းကောင်း နည်းမျိုးစုံရှိပါတယ်။ သင့်အသုံးပြုသော Device အပေါ်မူတည်ပြီး၊ navigation ပြုလုပ်ပုံခြင်း အနည်းငယ် ကွဲပြားခြားနားမှု ရှိနိုင်ပါသည်။ ဒီအောက်က ဇယားမှာတော့ ယေဘူယျ OS နှစ်ခု ဖြစ်တဲ့ mac နှင့် window OS တို့အတွက် အခြေခံ Keyboard Shortcut များ နှင့် Navigational Movement များကို ဖော်ပြထားပါတယ်-

Command

Window

Mac

Result

ဘေးတိုက်ရွေ့လျားခြင်း

Left, Right, Up or Down Arrow

Left, Right, Up or Down Arrow

မျှား၏ ဦးတည်ရာ အတိုင်း ရွေ့လျားပြီး ကြည့်ရှု့နိုင်သည်။

လှည့်လည်ကြည့်ခြင်း (ထောက်ထားသော ပွိုင့်အား ဗဟိုပြုခြင်း)

Shift + Left, Right, Up or Down Arrow

Shift + Left, Right, Up or Down Arrow

ထောက်ထားသော ပွိုင့်ကို ဗဟိုပြု၍ ပတ်ချာလည်လှည့်ခြင်း

လှည့်လည်ကြည့်ခြင်း (လက်ရှိ view အား ဗဟိုပြုခြင်း)

Ctrl + Left, Right, Up or Down Arrow

Command + Left, Right, Up or Down Arrow

လက်ရှိ view ရောက်ရှိနေသော နေရာမှ ပတ်ချာလည်လှည့်ခြင်း

ဒေါင်လိုက်တိမ်းစောင်း ခြင်း

Shift + Up or Down Arrow

Shift + Up or Down Arrow

ဒေါင်လိုက်အတိုင်း လှည့်လည်ကြည့်ခြင်း

မြောက်အရပ် View သို့ ပြန်သွားခြင်း

N

N

Default ဖြစ်သော North Up view သို့ ပြန်သွားခြင်း

အပေါ်စီးမှ View သို့ ပြန်သွားခြင်း

U

U

Default ဖြစ်သော Top-Down View သို့ ပြန်သွားခြင်း

Default View သို့ သွားခြင်း

R

R

မူလ Default View သို့ ပြန်သွားခြင်း

Overview ဖွင့်/ပိတ်

Ctrl + M

Shift + Option + Command + M

Overview Window ကို ဖွင့်/ပိတ် ပြုလုပ်နိုင်ပါသည်။

Created by

Kyaw Soe Linn

Founder at Sayar Kyaung | Manage my days with Google Workspace | On the mission of developing an LMS.

Graduated from Myanmar Maritime University | Over 8 years of Business Development & Liaison Working Experience.

View profile

Comments (0)

Search
Popular categories
Latest blogs
Essential Tools On Google Earth
Essential Tools On Google Earth
Historical Imagery ပထမဆုံးသင်ခန်းစာအနေကို Historical Imagery ဖြင့် စတင်ပါမည်။ Historical Imagery Tool သည် မှန်ကန်တဲ့ အခြေအနေမျိုးမှာ အသုံးပြုလျှင် လွန်စွာအသုံးတည့် တဲ့ Tool တစ်ခု ဖြစ်ပါသည်။ ၎င်းဟာ အချိန်နှင့်အမျှ မြေပြင်အနေအထား ပြောင်းလဲသွားမှု ကို လေ့လာနိုင်ပါတယ်။ ဥပမာ အနေဖြင့် ရန်ကုန်မြို့ မှာရှိတဲ့ Junction Square နှင့် Time City တည်ဆောက်သွားတဲ့ အဆင့်ဆင့်ကို Historical Imagery Tool အသုံးပြုပြီး လေ့လာကြည့်နိုင်ပါတယ်။ Historical Imagery က Tool Bar ထဲက အောက်ပါရုပ်ပုံပါ Tool ဖြစ်ပါတယ်။ Click ပြုလုပ်ပါက Screen ၏ ဝဲဘက်အပေါ်တွင် Timeline ကို ရွေးချယ်ပြီး ကြည့်ရှု့ နိုင်မည် ဖြစ်ပါသည်။ ရည်ရွယ်ချက် Junction Square ကို Google Earth တွင် ရှာဖွေရန် နှင့် နှစ်အလိုက်/လအလိုက် ပြောင်းလဲသွားပုံကို လေ့လာနိုင်ရန် အတွက်ဖြစ်ပါသည်။   လုပ်ဆောင်ပုံအဆင့်ဆင့် ၀ဲဘက် အပေါ်ထောင့်ရှိ Search Box တွင် “Junction Square” ဟုစာရိုက်ပြီး ရှာဖွေပါ။ JS ကိုမြင်တွေ့ ရပြီဆိုလျှင် Tool Bar ရှိ “Show Historical Imagery” Tool ကိုရွေးချယ်ပြီးပါက     ပုံတွင်ပြထားသည့်အတိုင်း Scroll Bar တစ်ခု ကို မြင်ရမည်ဖြစ်ပါသည်။ ၎င်း Scroll Bar ကို အသုံးပြီးပြီး နှစ်အလိုက်၊ လအလိုက်၊ နေ့အလိုက် မြေပြင်အနေအထား  မပြောင်းလဲမှီ နှင့် ပြောင်းလဲပြီးပုံများ ကို ကြည့်ရှု့ နိုင်ပါသည်။ JS မှမဟုတ်ပဲ အခြားကိုယ်စိတ်ကြိုက်နေရာများအား ရှာဖွေပြီး Historical Imagery Tool ကိုအသုံးပြု၍ မြေမျက်နှာသွင်ပြင် ပြောင်းလဲသွားပုံများကို ကြည့်ရှု့ ပြီး လေ့ကျင့်ကြည့်ပါ။   Placemark ဖန်တီးခြင်း Placemark ကို Google Earth တွင်များစွာအသုံးပြုနိုင်ပြီး အဓိကအားဖြင့် အသုံးပြုသူ စိတ်ဝင်စားသော နေရာများကို မှတ်သားရာတွင် အသုံးပြုပါသည်။ ဥပမာအားဖြင့် အသုံးပြုသူ စိတ်ဝင်စားသော စီမံကိန်း နေရာပဲ ဖြစ်ဖြစ်၊ ဟိုတယ် (၁) လုံး၏ တည်နေရာပဲဖြစ်ဖြစ် မှတ်သားထား နိုင်ပါသည်။ ကိုယ်ပိုင်ဖန်တီးမှတ်သားထားသော Placemark မဟုတ်ပဲ၊ Google Earth တွင် ရှိပြီးသား Placemark တစ်ခုကို Click ပြုလုပ်ပါက ၎င်း Placemark ၏ အချက်အလက်များ၊ ပုံများ၊ ဖွင့်လှစ်ချိန်များ၊ ဗီဒီယိုဖြင့် ဖော်ပြချက်များ၊ လိပ်စာများ၊ Review များ အစရှိသည်ဖြင့် တွေ့ မြင်ရမှာ ပဲဖြစ်ပါသည်။ လုပ်ဆောင်ပုံအဆင့်ဆင့် Search Box မှာ Junction Square ကိုရှာဖွေပါ။ Tool Bar ထဲမှ အောက်ဖော်ပြပါပုံပါအတိုင်း Add a Placemark ကိုရွေးချယ်ပါ။ ထို့နောက် New Placemark Window တစ်ခုပေါ်လာတာကို Fig 5 ပါအတိုင်းမြင်တွေ့ရမယ် ဖြစ်ပြီး ၎င်း Window မှာ သင့်ရဲ့ Placemark ရဲ့ အချက်အလက်များ ထည့်သွင်းရမှပဲ ဖြစ်ပါသည်။ Untitled Placemark အား သင်ကြိုက်နှစ်သက်ရာ နံမည်တစ်ခု ပြောင်း လဲရေးသားပါ။ ကျွန်တော်ကတော့ JS ရှေ့က ပန်းခြံလေးကို ထောက်ပြီး “Recreation Park” လို့ ရေးလိုက်ပါတယ်။ ၎င်း Window ကို ခဏထားပြီး Window အပြင်ဖက် မှာ ပေါ်လာတဲ့ အဝါရောင် Pin အား Left Click ထောက်ပြီး မိမိလိုချင်သော နေရာသို့ ပြောင်းရွှေ့ပါ။ ကျွန်တော်ကတော့ ရေပန်းအပေါက်ရှိ တဲ့ လမ်းထောင့်ဘက်ကို ရွှေ့ လိုက်ပါတယ်။ ပြီးတော့ OK နှိပ်လိုက်ပါ။  အကယ်၍ သင်ဖန်တီးခဲ့တဲ့ Placemark ကို ပြန်လည်ပြုပြင်ချင်ပါက လုပ်ဆောင်နိုင်သော နည်းလမ်းများရှိပါတယ်။ မြေပုံမှာ ပေါ်နေတဲ့ ၎င်း Placemark ကို right-click ထောက်၍သော် လည်းကောင်း၊ Side Bar အတွင်းရှိ ၎င်း Placemark ကို right-click ထောက်၍သော်လည်းကောင်း  ပြန်လည်ပြင်ဆင်နိုင်ပါသည်။ နံမည်ပဲ ချိန်းချင်ပါက right-click ထောက်၍ Rename ဖြင့် ပြောင်းလဲ နိုင်ပါသည်။ Placemark ကို နေရာချိန်းချင်ပါက Placemark Window ကို ဖော်ပြီးမှသာလျှင် ချိန်းနိုင်မည်ဖြစ်ပါသည်။ အကယ်၍ Placemark ၏ symbol ကို ပြောင်းလဲချင်ပါက Placemark Window ၏ ညာဘက်အပေါ်ထောင့် တွင်ရှိသော အဝါရောင် Pin Icon ကို ထောက်ပြီး Fig 6 ပါအတိုင်း ပြောင်းလဲနိုင်ပါသည်။ Pin Symbol ကို Default ပါဝင်သော Icon များပြောင်းလဲအသုံးပြုနိုင်ပြီး၊ Scale၊ Color ၊ Opacity များကို စိတ်ကြိုက် ပြောင်းလဲနိုင်ပါသည်။ အကယ်၍ သင်သည် သင့်စိတ်ကြိုက် Icon ကို ရွေးချယ်ထည့်သွင်းလိုပါက “Add Custom Icon” ကိုရွေးချယ်ပြီး မိမိကွန်ပြူတာအတွင်းရှိ PNG ဖိုင်များကို ထည့်သွင်းနိုင်ပါသည်။ Placemark တခုအား ဖော်ပြချက် ရေးသားခြင်း Edit Placemark Window ထဲမှ ရှိတဲ့ Description Tab အတွင်းမှာတော့ သင့်ရဲ့ Placemark နဲ့ ပတ်သက်တဲ့ စာသားများ၊ အသံများ၊ ဗီဒီယိုများ၊ ဓါတ်ပုံများ များကို ထည့်သွင်းနိုင်ပါတယ်။ Link များ၊ image URL များ နှင့် ကိုယ်ပိုင်ပုံများလဲ ထည့်သွင်းထားနိုင်ပါသည်။ ဒီထည့်သွင်းလိုက်တဲ့ အချက်အလက်တွေကို သင့် မြေပုံကို Navigate ပြုလုပ်စဉ် ၎င်း Placemark ကို click ပြုလုပ်ခြင်း အားဖြင့် ကြည့်ရှု့ နိုင်မှပဲ ဖြစ်ပါတယ်။ ဘေးနားက Style/Color Tab ထဲမှာတော့ Label နဲ့ Icon ကို Edit လုပ်နိုင်မှာပဲ ဖြစ်ပါသည်။ အခုဆိုရင်တော့ သင်ဟာ သင်အခုပဲ ဖန်တီးလိုက်တဲ့ Placemark ထဲကို အချက်အလက်အချို့ ထည့်သွင်းနိုင်ပြီပဲ ဖြစ်ပါတယ်။ ကိုယ်ပိုင်ဓါတ်ပုံများထည့်သွင်းခြင်း အကယ်၍ သင့်သည် သင့် Placemark အတွက် Link ချိတ်စရာ Online Image မရှိဘူးဆိုပါက၊ သင့်၏ ကွန်ပြူတာထဲမှာရှိသော ကိုယ်ပိုင်ဓါတ်ပုံများကို ထည့်သွင်းနိုင်ပါသည်။ သင့်ဖန်တီးထားတဲ့ Placemark ရဲ့  Edit Placemark Window ကို ဖွင့်ပြီး Add Local Image ကို Click လုပ်ပါ။ သင့်ကွန်ပြူတာဖိုင်ထဲမှ ထည့်သွင်းလိုသော ဓါတ်ပုံကို select ပြီး OK ကို နှိပ်ပါ။ ကျွန်တော်ကတော့ ခုနဖန်တီးခဲ့တဲ့ Recreation Park Placemark ထဲကို ၎င်းနှင့်သက်ဆိုင်သော ပုံတစ်ပုံ ထည့်သွင်းလိုက်ပြီး၊ မြေပုံတွင် Placemark ကို Click လုပ်ပါက မိမိတင်ထားသော ဓါတ်ပုံနှင့်အတူ Fig 8 တွင်ဖော်ပြသည့်အတိုင်း မြင်ရမှာပဲ ဖြစ်ပါတယ်။ Menu Bar - Add Tab မှ ဓါတ်ပုံများထည့်သွင်းခြင်း မြေပုံပေါ်တွင် ဓါတ်ပုံကို ထည့်သွင်းဖော်ပြလိုပါက အောက်တွင်ဖော်ပြထားသည့်အတိုင်း Menu Bar- Add Tab ထဲဝင်ပြီး Photo ကို ရွေးချယ်ပါ။ New Photo Overlay Window ပေါ်လာမှာ ဖြစ်ပါတယ်။ Browse မှ တဆင့် သင့်စိတ်ကြိုက် ဓါတ်ပုံကို ရွေးချယ်ထည့်သွင်းပါ။ ထိုနောက် navigation bar သို့မဟုတ် Keyboard/Mouse အသုံးပြု၍ သင်လိုချင်သော Eye-Altitude ကို ရွေးချယ်ပြီး OK ကို နှိပ်ပါ။ ကျန်တဲ့ Setting တွေကို Default အနေအထားဖြင့်သာ ထားပြီး ကျွမ်းကျင်သွားပါက လေ့ကျင့်ကြည့်ပါ။ Image Overlay ထည့်သွင်းခြင်း မြေပုံပေါ်မှာ ဥပမာအားဖြင့် သင့်စီမံကိန်း ကို နေရာချထားကြည့်ချင်တယ်ဆိုရင်တော့ သင့် Project Top View ကို Google Earth ပေါ်မှာ Image ဖိုင်ဖြင့် Image Overlay ကို အသုံးပြုပြီး ထည့်သွင်းနိုင် ပါသည်။ အောက်ဖော်ပြထားသည့်အတိုင်း Add Menu > Image Overlay သို့ဝင်ရောက်ပြီး မိမိတင်လိုသော Image ကို ရွေးချယ်ထည့်သွင်းပြီး မြေပုံတွင် ပေါ်လာသော Image အကွက် အား Mouse သို့မဟုတ် Touchpad အသုံးပြုပြီး တည်နေရာရွှေ့ပြောင်းခြင်း၊ စကေးချုံ့ ခြင်း၊ ချဲ့ ခြင်း၊ Rotate ပြုလုပ်ခြင်းတို့ ကို အသုံးပြီးပြီး မိမိ ထည့်သွင်းလိုသော နေရာကို ရွေးချယ်ပါ။ စိတ်ကြိုက် ချိန်ညှိပြီးပါက OK ကို နှိပ်ပါ။ Polygon များရေးဆွဲခြင်း Google Earth ရဲ့ အကောင်းဆုံး Feature တစ်ခု ဖြစ်တဲ့ Polygon Tool ကို အသုံးပြုပြီး မိမိလိုချင်သော မြေနေရာ၏ ဧရိယာများ၊ Parameter များ အား အလွယ်တကူတိုင်းတာ ပုံထုတ်နိုင် ပါတယ်။ Tool Bar > Add Polygon ကိုရွေးချယ်ပါက Edit New Polygon Window ကျလာမှဖြစ်ပြီး၊ မြေပုံတွင် ပေါ်လာမည့် လေ့ထောင့်ပုံ Cursor ကို အသုံးပြုပြီး မြေပုံတွင် ကိုယ် တိုင်းတာလိုသော မြေနေရာ အနားသတ်လိုင်းအတိုင်း Polygon တစ်ခုကို ရေးဆွဲပါ။ ကျွန်တော်ကတော့ Junction Square ဧရိယာကို ဥပမာအနေဖြင့် တိုင်းတာမှာပဲ ဖြစ်ပါတယ်။ Polygon နံမည် တစ်ခုပေးပြီး Style/Color Tab တွင် Parameter Line Color, Opacity, Width အားလည်းကောင်း၊ Area Color ကို Opacity တို့ကို စိတ်ကြိုက် ပြင်ဆင်ကြည့်ပါ။ ပြီးပါက OK ကိုနှိပ်ပါ။ Add Link, Add web Image, Add Local Image အစရှိသည့် Tool များကို Placemark သင်ခန်းစာတွင် ပါဝင်သည့်အတိုင်း ထည့်သွင်းနိုင်ပါသည်။   Measurement များတိုင်းကြည့်ခြင်း သင့်ရေးဆွဲခဲ့သော Polygon များ၏ အတိုင်းအတာများကို ကြည့်ရှု့ ချင်ပါက Edit Polygon Window ကို ဖွင့်ပြီး Measurements Tab တွင် Parameter နှင့် Area များအတွက် Unit စုံစုံလင်လင် ဖြင့် ပြောင်းလဲကြည့်ရှု့ နိုင်မည် ဖြစ်ပါသည်။ အကယ်၍ သင်က ရေးဆွဲထားသော Polygon ကို Edit ပြုလုပ်ချင်ပါက Edit Polygon Window ကို ဖွင့်ထားရမည်ဖြစ်ပြီး မြေပုံပေါ်ရှိ Polygon အနားသတ်ရှိ အနီရောင် အစက်လေးများရှိသော  ထောင့်များကို Cursor ထောက်ပြီး Drag ပြုလုပ်၍ စိတ်ကြိုက် ပြင်ဆင်နိုင်ပါသည်။ နောက်ထက် အမှတ်များ ထည့်သွင်းလိုပါက/နောက်ထက် ထောင့်များ ထည့်သွင်းလိုပါက ထည့်သွင်းလိုသော  နေရာတွင် Click ပြုလုပ်ရုံသာ ဖြစ်ပြီး၊ ပိုနေသော/မလိုသော Point များ ဖျောက်ချင်ပါက ဖျက်လိုသော Point ပေါ်တွင် Right-Click ပြုလုပ်၍ ဖျက်နိုင်ပါသည်။ Path လမ်းကြောင်းများရေးဆွဲခြင်း Google Earth တွင် လမ်းကြောင်း တစ်ခု ကို ရေးဆွဲနိုင်ပြီး၊ မိမိသွားမည် ခရီး၊ လမ်းလျှောက်ရမည့် အတိုင်းအတာများ စသည်တို့ ကို တိုင်းတာနိုင်ပါသည်။ Tool Bar ထဲမှ “Add Path” ကိုရွေးချယ် ပြီး မြေပုံပေါ်တွင် စိတ်ကြိုက်လမ်းကြောင်း တစ်ခုကို ဆွဲပါ။ ဥပမာအားဖြင့် အောက်ပုံတွင်ပြထားသည့်အတိုင်း Point A မှ Point B သို့ လမ်းကြောင်းတစ်ခု ဖြင့် ရေးဆွဲပြထားပါသည်။ Line Color, Add Link, Add web Image, Add Local Image အစရှိသည့် Tool များကို Placemark သင်ခန်းစာတွင် ပါဝင်သည့်အတိုင်း ထည့်သွင်းနိုင်ပါသည်။ Measurement Tab တွင် မိမိ ဖန်တီးထားသော Path လမ်းကြောင်း၏ အလျှားကို Unit စုံစုံလင် လင်ဖြင့် ကြည့်ရှု့ နိုင်ပါသည်။   Evaluation များတိုင်းတာခြင်း မိမိဖန်တီးထားသော Path လမ်းကြောင်း၏ မြေမျက်နှာသွင်ပြင် အနိမ့်အမြင့် ကို Google Earth ပေါ်တွင် Show Elevation Profile ဖြင့် တိုင်းတာနိုင်ပါသည်။ မိမိဖန်တီးထားသော Path လမ်းကြောင်းပေါ် သို့ မဟုတ် Place Module အတွင်းရှိ ထို Path လမ်းကြောင်း ပေါ်တွင် Right Click ပြုလုပ်ပြီး Show Elevation Profile ကို Click ပါ။ Elevation Profile ကိုအောက်ပုံ ပါ Graph အတိုင်းမြင်တွေ့ ရမည်ဖြစ်ပြီး၊ ဆွဲထားသော လမ်းကြောင်းအလိုက်  မြေမျက်နှာ အနိမ့်အမြင့်များကို ကြည့်ရှု့ နိုင်မှာ ဖြစ်ပါသည်။ Record a Tour Google Earth ပေါ်တွင် မိမိ သွားရမည့် ခရီး သို့မဟုတ် လမ်းကြောင်း တစ်ခု ကို မြေပုံပေါ်တွင် ဖော် ပြသော Video များကို “Record a Tour” ကို အသုံးပြုပြီး မှတ်တမ်းတင်နိုင်ပါသည်။ ဒီ Function က ကိုယ်သွားမယ့်/သွားပြီးတဲ့ ခရီးလမ်းကြောင်းတွေ ကြည့်တာမျိုး ဖြစ်ဖြစ်၊ ခရီးသွားလုပ်ငန်းတွေ အနေဖြင့် မိမိတို့ စီစဉ်ထားတဲ့ ခရီးလမ်းကြောင်း၊ Tracking လမ်းကြောင်းတွေကို ပြောပြရာတွင် အသုံးတည့်နိုင်ပါသည်။ Tool Bar ရှိ Record a Tour ကို Click ပြုလုပ်ပါ။ မြေပုံ ရဲ့ ဝဲဘက်ထောင့် တွင် Record Bar ပေါ်လာပါမည်။ Video Record နှင့် Audio Record နှစ်ခုလုံးပြုလုပ်နိုင်ပါသည်။ Record ကို on ထားပြီးပါက မိမိစိတ်ကြိုက် Record ပြုလုပ်နိုင်ပြီး Record အား နောက်ထက် Click တစ်ချက်ဖြင့် Stop နိုင်ပြီး မိမိ Record လုပ်ထားသည်များကို ပြန်လည် ကြည့်ရှု့ နိုင် (သို့) Edit Tour Window တွင် နံမည်ပေးပြီး Save ပြုလုပ်နိုင်ပါသည်။ Show Sunlight Across Landscape Google Earth တွင် နေညအချိန်ကို Show Sunlight across Landscape Tool ကို အသုံးပြုပြီး ပြောင်းလဲကြည့်ရှု့ နိုင်ပါသည်။ Switch Between Earth, Sky, and other Planets Google Earth နောက်ထက် သဘောကျဖို့ ကောင်းတဲ့ Tool တစ်ခုက ကမ္ဘာမြေ အပြင် ကောင်းကင်ရှိ ကြယ်များ၊ မားစ်ဂြိုလ် နှင့် လ ကို “Switch Between Earth, Sky and other planet” Tool ကို အသုံးပြုပြီး ကြည့်ရှု့ နိုင်ခြင်းပဲ ဖြစ်ပါတယ်။ Google Earth က Navigation Bar အသုံးပြုနည်းအတိုင်း ဖြစ်ပါသည်။ စမ်းပြီး လေ့ကျင့်ကြည့်ပါ။ လေ့လာကြည့်လို့ ရတာတွေ အများ ကြီးပါပဲ။ Ruler Google Earth တွင် “Ruler” Tool ကို အသုံးပြုပြီး Line, Path, Polygon, Circle များ ၏ အတိုင်း အတာများကို အလွယ်တကူ တိုင်းတာနိုင်ပြီး 3D Path နှင့် 3D Polygon များ၏ အတိုင်းအတာများ ကို တိုင်းတာမည် ဆိုပါက Side Bar > Layer Module ရှိ “3D Building” ကို on ထားရမည် ဖြစ်ပါသည်။ Fig 17 တွင် ပြင်သစ်နိုင်ငံ၊ ပါရီမြို့ ရှိ အီဖယ်တာဝါ ၏ သုံးဖက်မြင် ပုံရှိ ဘေးတိုက် အမြင့် အား တိုင်းတာပြထားပါသည်။ မိမိတိုင်းတာလိုသော အနားကို Add Path မှာအတိုင်း Click ထောက်ပြီး တိုင်းတာရုံပါပဲ။ Mouse အသုံးပြုပြီး မိမိတိုင်းလိုသော မြင်ကွင်းကို ချိန်ထားရပါမည်။ မြန်မာနိုင်ငံမှတော့ 3D Building များ သိပ်မရှိသေးပါဘူး၊ ဒါကြောင့် မြန်မာနိုင်ငံ က အဆောက်အဦး များကိုတော့ တိုင်းတာလို့ မရသေးပါဘူး။ GPS အကယ်လို့ Garmin, Magellan, Wintec တို့လို GPS Device တွေထဲက Data တွေ သို့မဟုတ် ကိုယ် ကွန်ပြူတာထဲ က GPS ဒေတာတွေကို ထည့်သွင်းလိုပါက Menu Bar ရှိ Add > GPS ကို နှိပ်ပြီး Waypoint, Trucks, Routes စတာတွေကို Import လုပ်ပြီး output အဖြစ် KML ဖိုင်အဖြစ် ထုတ်နိုင်ပါသည်။ Flight Stimulator Google Earth မှာ လေယာဉ်မောင်းလို့ရပါတယ်။ Menu Bar ရှိ Tool > Enter Flight Stimulator ကို နှိပ်ပြီး ကြိုက်နှစ်သက်တဲ့ လေယာဉ် တစ်စီးကို ရွေး၊ Start Position ကို ရွေးပြီး Start Flight ကို နှိပ်ပြီး ကြိုက်နှစ်သက်တဲ့ မြို့အပေါ်မှာ ပျံသန်းလိုက်ပါ။ Help ကိုနှိပ်ပြီး ဘယ်လို ပျံသန်းရတယ်ဆိုတာကို ကြည့်နိုင်ပါတယ်။ Other Utilities Email Google Earth တွင် မိမိပြုလုပ်ထားသော Screenshot, Current View နှင့် ဖန်တီးထားသော Placemark များ ကို Email အား kmz ဖိုင်ဖြင့် အီးမေလ်းပေးပို့ နိုင်ပါသည်။ Tool Bar ရှိ Email Tool ဖြင့် သော်လည်းကောင်း၊ Places Module ရှိ Placemark များကို Right Click> Email ဖြင့် သော်လည်းကောင်း၊ Placemark များကို Right Click > Save Place as ဖြင့် kmz ဖိုင်အား save ပြီး Email application တစ်ခုခု အသုံးပြုပြီး Email ပေးပို့ နိုင်ပါသည်။ Print Tool Bar ရှိ Print Tool ကို အသုံးပြုပြီး မိမိလိုချင်သော မြင်ကွင်းများကို ပုံထုတ်နိုင်ပါသည်။ Map Option တွင် Element, Styling များရွေးချယ်နိုင်ပြီး၊ Page Set up တွင် Print ထုတ်လိုသော စာရွက်ဆိုဒ်များ ရွေးချယ်နိုင်ပါသည်။ သို့မဟုတ် Save ပြုလုပ်နိုင်ပါသည်။ Map ပေါ်တွင် ပေါ်လာသော Title များ Edit ပြုလုပ်ခြင်း၊ Legend များ အား Edit လုပ်ခြင်းတို့ အား ပြုလုပ်နိုင်ပြီး စိတ်ကြိုက် ပြင်ဆင်ပြီးပါက Print သို့မဟုတ် Save PDF ပြုလုပ်နိုင်ပါသည်။ Save Image Save Image Tool သည်လည်း Print Tool နှင့် အလားတူဖြစ်ပါသည်။ Map Option များရွေးချယ်ခြင်း၊ Resolution ရွေးချယ်ခြင်း (အများဆုံး ၄၈၀၀ x ၂၈၂၃ ထိ) တို့ ပြုလုပ်နိုင်ပြီး Save ပြုလုပ်နိုင်ပါသည်။ Views in Google Maps Google Earth သည် Google Map နှင့် ချိတ်ဆက်ထားပြီး Views in Google Maps Tool အသုံးပြုပြီး လက်ရှိ Current View ကို Google Map တွင် ကြည့်ရှု့ နိုင်ပါသည်။   Street View Navigation Bar အတွင်းရှိ အောက်ဖော်ပြပါ လူပုံကို အသုံးပြုပြီး Google Street View ကို ကြည့်ရှ့ နိုင်ပါသည်။ ထိုလူပုံကို Click ဖိထားပါက မြေပုံပေါ်တွင် အပြာရောင် Spot များ သို့မဟုတ် လမ်းကြောင်းများ မြင်တွေ့ ရပါလိမ့်မည်။ ၎င်းနေရာများကို ထိုလူပုံအား Drag and Enter Street View ဆွဲချပြီး Street View ကို ကြည့်ရှု နိုင်ပါသည်။ Place Module အားစီမံခန့်ခွဲခြင်း မိမိ၏ စီမံကိန်းတစ်ခု သို့ လုပ်ငန်းတစ်ခု သို့ ခေါင်းစဉ် တစ်ခုအောက်တွင် ပါဝင်သော မိမိပြုလုပ်ထား  သော Placemark များ၊ Polygons၊ လမ်ကြောင်းများ Tool bar အားဖြင့် ပြုလုပ်ထားသော အမှတ် အသားများကို Side Bar > Place Module > My Places > right click > Folder ဖြင့် စုစည်း သိမ်းဆည်းထားနိုင်သလို ၎င်း Folder လိုက်အား .kmz ဖိုင်ဖြင့် သော်လည်းကောင်း၊ Email ပို့၍ သော်လည်းကောင်း မျှဝေခြင်းတို့ ကို ပြုလုပ်နိုင်ပြီး၊ ဖွဲ့ စည်းထားသော Folder ထဲသို့ ထည့်လိုသော အမှတ်အသားများကို Place Modules အတွင်း Drag ပြုလုပ်ပြီး ထည့်သွင်းထားနိုင်ပါသည်။ ၎င်း Folder သို့ အမှတ်အသား တစ်ခု အား ဘေးတွင် ပါဝင်သော စတုရန်းကွက် အားဖြင့် on/off ပြုလုပ်နိုင်ပါသည်။ Geospatial Data များ ထည့်သွင်းခြင်း Geospatial Data များအား များစွာသော Geospatial ဝက်ဆိုက်ဒ်များတွင် ရှာဖွေ ဒေါင်းလုဒ် ပြု လုပ်နိုင်ပါသည်။ မြန်မာနိုင်ငံနှင့် အချက်အလက်များကို ဥပမာအားဖြင့် Myanmar Information Management Unit (MIMU) လို ဝက်ဆိုဒ် များတွင် ရရှိနိုင်ပြီး ရရှိလာသော ဖိုင်များအား Google Earth တွင် File > Import တွင် ထည့်သွင်း ပြီး အသုံးပြုနိုင်ပါသည်။   Google Earth Wikipedia အကြောင်း လေ့လာချင်ပါက https://en.wikipedia.org/wiki/Google_Earth  တွင် ဖတ်ရှု့ လေ့လာနိုင်ပါသည်။ ယခုသင်ခန်းစာ သည် Google Earth အသုံးပြုပုံ အခြေခံ ကို လေ့လာသိရှိစေရန် ရည်ရွယ်ပြီး၊ အထက်ပါ Website တွင် ကျွမ်းကျင်မှု ရှိစေရန် ဆက်လက်လေ့လာနိုင်ပါသည်။ လေ့လာသူ အားလုံး အသုံးတည့်ပါစေရန် မျှော်လင့်မိပါသည်။

Sun, 09 Oct 2022

Get Started with Google Earth Pro
Get Started with Google Earth Pro
Google Earth ဆိုတာဘာလဲ? ဂြိုလ်တုဓါတ်ပုံ (Satellite Imagery) တွေကို အဓိကအခြေခံထားပြီး ကမ္ဘာရဲ့ သုံးဖက်မြင် မော်ဒယ် ကို ဖော်ပြတဲ့ ကွန်ပြူတာ ဆော့ဝဲလ် တစ်ခု ဖြစ်ပါတယ်။ Satellite Images တွေ၊ Aerial photography တွေ၊ GIS Data တွေကို သုံးဖက်မြင်မော်ဒယ်ဖြစ်အောင် ပေါင်းစပ်ဖန်တီးထား ပြီး အသုံးပြုသူများကို မြို့တွေ၊ တောင်တန်းတွေ နဲ့ ရှု့ခင်းတွေကို ထောင့်မျိုးစုံမှ ကြည့်ရှု့ နိုင်အောင် ဖန်တီးထားတဲ့ Computer Software တစ်ခုဖြစ်ပါတယ်။ အသုံးပြုသူက ကိုယ်ရဲ့ ကွန်ပြူတာ၊ Laptop ဖြစ်စေ၊ ဖုန်း၊ Tablet နှင့် ဖြစ်စေ အသုံးပြုပြီး ကိုယ် ကြည့်လိုသော နေရာကို ကြည့်ရှု့ နိုင်သလို Search Box ထဲမှာ ကိုယ်ရှာလိုသော လိပ်စာကို ရိုက် ထည့်ပြီး ရှာဖွေနိုင်ပါတယ်။ အသုံးပြုသူက ကိုယ်ပိုင်မြေပုံ အချက်အလက်များကို Keyhole Markup Language (KML) ဖိုင်ဖြင့်၊ လည်းကောင်း၊ Keyhole Markup Language Zipped (KMZ) ဖိုင်ဖြင့် လည်းကောင်း Google Earth အတွင်းသို့ ထည့်သွင်းအသုံးပြုနိုင်သလို Google Earth အားဖြင့် ဖန်တီးထားတဲ့ KML, KMZ ဖိုင်များကို မိမိတို့ Blog များ၊ အခြား ကိုယ် Share လိုသော နေရာသို့ Share ပြီး အသုံးပြုနိုင် ပါသည်။ Operating System များဖြစ်တဲ့ Windows, macOS, Linux, Xbox One, Android, iOS တို့ မှာ သုံးစွဲနိုင်ပြီး၊ https://www.google.com/earth/index.html မှာ အခမဲ့ Download ပြုလုပ်ပြီး အသုံးပြုနိုင်ပြီး၊ Launch Earth in Chrome ဖြင့် လည်း Chrome ကဲ့သို့သော Browser များပေါ်တွင် အသုံးပြုနိုင်ပါသည်။ Application ကို ကွန်ပြူတာ သို့မဟုတ် Laptop မှာ Download ဆွဲ Install လုပ်ပြီးသုံးတာက အသုံးအတည့်ဆုံးမို့ ဒီနေရာမှာ Computer/Laptop ဖြင့် အသုံးပြုပုံကို ဦးစားပေးဖော်ပြသွားမှာ ဖြစ်ပါတယ်။   Google Earth ကို Install ပြုလုပ်ခြင်း Desktop သို့မဟုတ် Laptop နဲ့ အသုံးပြုမယ်ဆိုရင်တော့ https://www.google.com/earth/index.html သို့သွားပြီး Scroll Down လုပ်၍ Google Earth Pro on Desktop ကို ရွေးချယ်၍ သော်လည်းကောင်း၊ Mobile တွင် အသုံးပြုမယ် ဆိုရင်တော့ Google Earth on Mobile ကို ရွေးချယ်၍သော်လည်းကောင်း၊ Play Store သို့ Apple App Store တွင် Google Earth ဟု ရှာဖွေ၍ Install ပြုလုပ်၍ သော်လည်းကောင်း၊ Web တွင်သာ အသုံးပြုမယ်ဆိုရင်တော့ Launch Earth in Chrome ဖြင့် အသုံးပြုနိုင်မှာပဲ ဖြစ်ပါသည်။ Desktop/Laptop Version များကို Download ဆွဲထားသော .dmg ဖိုင်အား မိမိကွန်ပြူတာတွင် Install ပြုလုပ်ပြီး လွယ်ကူစွာအသုံးပြုနိုင်ပါသည်။ Interface Google Earth Pro ကို ကွန်ပြူတာတွင် Install ပြုလုပ်ပြီး စတင်အသုံးပြုပါက အထက်ဖော်ပြပါ Figure 2 တွင်ပြထားသည့်အတိုင်း Google Earth Pro Interface ကို မြင်တွေ့ရမှာပဲ ဖြစ်ပါသည်။   Side Bar Side Bar သည် Screen ၏ ဝဲဘက်တွင် ရှိမည် ဖြစ်ပြီး၊ မတူညီသော Modules အချို့ ဖြင့် ဖွဲ့စည်း ထားပါသည်။ ထိပ်ဆုံး Search Module အကွက်မှာတော့ လက်တီကျူ့၊ လောင်တီကျူ့ ဖြင့်သော် လည်းကောင်း၊ မြို့ နံမည်ဖြင့်သော်လည်းကောင်း၊ ပြည်နယ်၊တိုင်း နံမည်ဖြင့်သော်လည်းကောင်း၊ တည်နေရာနံမည်၊ လိပ်စာဖြင့်သော်လည်းကောင်း အစရှိသည်ဖြင့် သင်ရှာလိုသော တည်နေရာ ကို ရှာဖွေနိုင်ပါသည်။ အလယ်အကွက်မှာတော့ Place Module ရှိပြီး သင့်ရဲ့ Location Information များကို သိမ်းဆည်ထားနိုင်သော နေရာဖြစ်ပါသည်။ အောက်ဆုံးမှာတော့ Layers Module ရှိပြီး၊ Google Earth မှ ဖန်တီးထားသော Layer များ၊ အချက်အလက်များ၊ ဓါတ်ပုံများကို တွေ့ရှိရမှာပဲ ဖြစ်ပါတယ်။ ဥပမာအားဖြင့် Layer တွေမှာ နယ်နိမိတ်မျဉ်းများ၊ နေရာများ၊ ဓါတ်ပုံများ၊ လမ်းများ၊ သုံးဖက်မြင်အဆောက်အဦများ၊ သမုဒ္ဒရာ ဆိုင်ရာအချက်အလက်များ၊ ရာသီဥတုဆိုင်ရာ အချက်အလက်များ၊ Gallery များ၊ Global Awareness အစရှိသည်တို့ ကို ပါဝင်မှာဖြစ်ပါတယ်။ Tool Bar Google Earth Pro Interface ရဲ့ ထိပ်ပိုင်းမှာတော့ Tool bar ရှိမှာဖြစ်ပြီး၊ Placemark များဖန်တီး ခြင်း၊ Polygon များရေးဆွဲခြင်း၊ Image Overlay များ ပြုလုပ်ခြင်း၊ လမ်းကြောင်းများထည့်ခြင်း၊ ခရီးစဉ်များအား မှတ်တမ်းတင်ခြင်း၊ Historical Imageများကြည့်ခြင်း၊ ပုံများထုတ်ခြင်း အတွက် Tool စုံစုံလင်လင် ကို တွေ့ ရှိရမှပဲ ဖြစ်ပါတယ်။ Information Bar Screen ရဲ့ အောက်ခြေမှာတော့ လက်ရှိ သင့်ကြည့်နေသော၊ သင့် Cursor ချထားသော နေရာ၏ အချက်အလက်များ ဖြစ်တဲ့ လက်တီကျူ့ ၊လောင်တီကျူ့ များ၊ မြေမျက်နှာအနိမ့်အမြင့် တို့ ကို ဖော်ပြထားမည် ဖြစ်ပြီး၊ ညာဖက်ထောင့်က Eye Altitude ကတော့ သင့်လက်ရှိကြည့်နေတဲ့ နေရာမှ အမြင့်ကို ဖော်ပြထားမည် ဖြစ်ပါသည်။ Navigation Bar Screen ရဲ့ အောက်ခြေမှာတော့ လက်ရှိ သင့်ကြည့်နေသော၊ သင့် Cursor ချထားသော နေရာ၏ အချက်အလက်များ ဖြစ်တဲ့ လက်တီကျူ့ ၊လောင်တီကျူ့ များ၊ မြေမျက်နှာအနိမ့်အမြင့် တို့ ကို ဖော်ပြထားမည် ဖြစ်ပြီး၊ ညာဖက်ထောင့်က Eye Altitude ကတော့ သင့်လက်ရှိကြည့်နေတဲ့ နေရာမှ အမြင့်ကို ဖော်ပြထားမည် ဖြစ်ပါသည်။ Navigation Tips Google Earth မှာ Navigation ပြုလုပ်ဖို့ Mouse အသုံးပြုခြင်းအပြင် Keyboard အားဖြင့် သော်လည်းကောင်း၊ Touchpad အားဖြင့်သော်လည်းကောင်း၊ Joystick အသုံးပြု၍ သော်လည်းကောင်း နည်းမျိုးစုံရှိပါတယ်။ သင့်အသုံးပြုသော Device အပေါ်မူတည်ပြီး၊ navigation ပြုလုပ်ပုံခြင်း အနည်းငယ် ကွဲပြားခြားနားမှု ရှိနိုင်ပါသည်။ ဒီအောက်က ဇယားမှာတော့ ယေဘူယျ OS နှစ်ခု ဖြစ်တဲ့ mac နှင့် window OS တို့အတွက် အခြေခံ Keyboard Shortcut များ နှင့် Navigational Movement များကို ဖော်ပြထားပါတယ်- Command Window Mac Result ဘေးတိုက်ရွေ့လျားခြင်း Left, Right, Up or Down Arrow Left, Right, Up or Down Arrow မျှား၏ ဦးတည်ရာ အတိုင်း ရွေ့လျားပြီး ကြည့်ရှု့နိုင်သည်။ လှည့်လည်ကြည့်ခြင်း (ထောက်ထားသော ပွိုင့်အား ဗဟိုပြုခြင်း) Shift + Left, Right, Up or Down Arrow Shift + Left, Right, Up or Down Arrow ထောက်ထားသော ပွိုင့်ကို ဗဟိုပြု၍ ပတ်ချာလည်လှည့်ခြင်း လှည့်လည်ကြည့်ခြင်း (လက်ရှိ view အား ဗဟိုပြုခြင်း) Ctrl + Left, Right, Up or Down Arrow Command + Left, Right, Up or Down Arrow လက်ရှိ view ရောက်ရှိနေသော နေရာမှ ပတ်ချာလည်လှည့်ခြင်း ဒေါင်လိုက်တိမ်းစောင်း ခြင်း Shift + Up or Down Arrow Shift + Up or Down Arrow ဒေါင်လိုက်အတိုင်း လှည့်လည်ကြည့်ခြင်း မြောက်အရပ် View သို့ ပြန်သွားခြင်း N N Default ဖြစ်သော North Up view သို့ ပြန်သွားခြင်း အပေါ်စီးမှ View သို့ ပြန်သွားခြင်း U U Default ဖြစ်သော Top-Down View သို့ ပြန်သွားခြင်း Default View သို့ သွားခြင်း R R မူလ Default View သို့ ပြန်သွားခြင်း Overview ဖွင့်/ပိတ် Ctrl + M Shift + Option + Command + M Overview Window ကို ဖွင့်/ပိတ် ပြုလုပ်နိုင်ပါသည်။

Sun, 09 Oct 2022

How to use Google Translate?
How to use Google Translate?
Google Translate ဆိုတာဘာလဲ? Google ကနေ အခမဲ့ သုံးစွဲခွင့်ပေးထားတဲ့ ဘာသာပေါင်းစုံ ပြန်ဆိုနိုင်တဲ့ ဝန်ဆောင်မှု ဖြစ်တယ်။ Website Interface နဲ့ရော Mobile Phone တွေ (Android, iOS) တွေအပြင် အခြားသော ဆော့ဝဲလ်တွေအတွက် API အနေနဲ့ အသုံးပြုကျတယ်။ အခု စာရေးတဲ့ အချိန် မှာ ဘာသာစကား ၁၀၃ ခု ကို ပြန်ဆိုနိုင်တယ်။ အသုံးပြုသူ သန်း (၅၀၀) လောက် ရှိတယ်။ တစ်နေ့ ကို စကားလုံးပေါင်း ၁၀၀ ဘီလီယံလောက် ကို ပြန်ဆိုနေတဲ့ ဝန်ဆောင်မှု ဖြစ်တယ်။ ဒီသင်ခန်းစာ က တိုတိုလေးပါ။ ပြီးဆုံးအောင် သင်ကြားပါ။ Google Translate ကို ဆရာကျကျ အသုံးပြုတက်သွားမယ်။ ကဲ စလိုက်ရအောင်   Google Translate က ဘာလုပ်နိုင်လဲ? ကမ္ဘာ့အကောင်းဆုံး ဘာသာပြန် ဆော့ဝဲလ် ဖြစ်တဲ့ အလျောက် အောက်ပါ တွေကို ဆောင်ရွက်နိုင်တယ်- စာလုံးတွေ ကို ဘာသာပြန်ခြင်း - ဘာသာစကား (၁၀၃) ခု Offline ဘာသာပြန်ခြင်း - ဘာသာစကား (၅၉) ခု ကို Offline ဘာသာပြန်ဆိုနိုင်တယ်။ ဓါတ်ပုံအမြန်ပြန်ဆိုခြင်း - ဓါတ်ပုံရိုက်ပြီး ဖြစ်စေ (ဘာသာစကား ၅၀ ခု ) ၊ စကရင်မှာ အမြန်ဘာသာပြန်ခြင်း Instant Translate ( ဘာသာစကား ၃၈ခု ) ပြန်ဆိုနိုင်တယ်။ Website ဘာသာပြန်ဆိုခြင်း- Website တွေကို ကြိုက်နှစ်သက်ရာ ရွေးချယ်ထားသော သာသာဖြင့် ဖတ်ရှု့ နိုင်သည်။ Document ဘာသာပြန်ဆိုခြင်း - .doc, .docx, .odf, .pdf, .ppt, .pptx, .ps, .rtf, .txt, .xls, .xlsx စတဲ့ ဖိုင်တွေကို Upload လုပ်ပြီး ကြိုက်နှစ်သက်ရာ ဘာသာသို့ ပြန်ဆိုနိုင်တယ်။ စကားပြောပြီးဘာသာပြန်ဆိုခြင်း - စကားပြောဆိုတဲ့ ဘာသာစကားကနေ နောက်ဘာသာ စကား ကို ပြန်ဆိုနိုင်တယ်။ (ဘသာစကား ၃၂ ခု) လက်ရေးကို ဘာသာပြန်ဆိုခြင်း - လက်ရေးနဲ့ ရေးထားတဲ့ ဘာသာစကားတွေကို ပြန်ဆိုနိုင် တယ်။ (ဘာသာစကား ၉၃ ခု)   Installation ပြုလုပ်ခြင်း Android ဖုန်းမှာဆို https://play.google.com/store/apps/details?id=com.google.android.apps.translate&hl=en   iOS iPhone မှာဆို https://apps.apple.com/us/app/google-translate/id414706506   Website Interface နဲ့ဆို https://translate.google.com/   Chrome Extension ထည့်မယ်ဆို https://chrome.google.com/webstore/detail/google-translate/aapbdbdomjkkjkaonfhkkikfgjllcleb   စတဲ့ Link တွေကို သွားမယ်။ ဖုန်းတွေထဲမှာ Install လုပ်မယ်။ ဒါဆို စသုံးလိုရပြီ။   ဘယ်လိုဘာသာပြန်မလဲ? ဖုန်းထဲက Install လုပ်ထားတဲ့ Google Translate ကို ဖွင့်ပါ။ အောက်ပါအတိုင်း မြင်ရမယ်။ ပြန်ဆိုမည့် ဘာသာသည် ဘယ်ဘက် တွင် ရှိနေမည် ဖြစ်ပြီး ပြန်ဆိုလိုသည့် ဘာသာ သည် ညာဘက် တွင် ရှိမည်။ မြန်မာဘာသာ မှ အင်္ဂလိပ် ဘာသာ သို့ ပြောင်းမည် ဆိုပါက အထက်ပါပုံ အတိုင်း ဖြစ်သည်။ အကယ်၍ သင်က တရုတ်ဘာသာ မှ မြန်မာဘာသာ သို့ ပြောင်းမည် ဆိုပါက ၁။ ယခု Myanmar (Burmese) နေရာကို နှိပ်ပါ။ Chinese ကို ရွေးပါ။ ၂။ ယခုပုံ English နေရာကို နှိပ်ပါ။ Myanmar (Burmese) ကို ရွေးပါ။ ၃။ Enter text နေရာတွင် တရုတ်စာများ ဥပမာ - 明天十一点见 ကို ထည့်ပါ။ Keyboard က Enter သို့ Go ကို နှိပ်ပါ။ ၄။ မြန်မာလို ဘာသာပြန်ပြီး ဖြစ်ပါသည်။ Offline ဘာသာပြန်ခြင်း ဘာသာစကား (၅၉) ခု offline ဘာသာပြန်ဆိုလို့ရတယ်။ (မြန်မာဘာသာတော့ Offline မရသေး) ၁။ အထက်ပါပုံ မှ ပြန်ဆိုမည့်ဘာသာ (သို့) ပြန်ဆိုလိုသည့်ဘာသာ ထဲက တစ်နေရာရာ ကို နှိပ်ပါ။ ၂။ Offline ပြန်လိုတဲ့ ဘာသာကို ရှာပါ။ ၃။ ဘေးတွင်ရှိသော Down Arrow (Download) ကိုတွေ့ပါက ၎င်းဘာသာသည် Offline ပြန်နိုင်သည်။ မတွေ့ပါက Offline ပြန်၍မရ။ အင်တာနက်လိုမည်။ ၄။ Offline ဘာသာပြန်ဆိုမည့် ဘာသာ နှင့် ဘာသာပြန်ဆိုလိုသည် ဘာသာ နှစ်ခု စလုံး ကို Download ထားရပါမည်။ ၅။ Download လုပ်ပြီးပါက အင်တာနက်ပိတ်ပြီး၊ အထက်က ဘယ်လိုဘာသာပြန်မလဲ ခေါင်းစဉ်ပါ အတိုင်း ဘာသာပြန်ဆိုခြင်းကို လုပ်နိုင်ပြီ။ ဓါတ်ပုံရိုက်၍ ဘာသာပြန်ခြင်း (Mobile Phone) ၁။ Google Translate app ကို ဖွင့်ပါ။ ၂။ ပြန်ဆိုမည့်ဘာသာ နှင့် ပြန်ဆိုလိုသည့်ဘာသာ ကို ရွေးချယ်ပါ။ အင်တာနက် ဖွင့်ထားတာ သေချာပါစေ။ ၃။ Camera ပုံ ကို နှိပ်ပါ။ ၄။ ပြန်ဆိုမည့် စာသားများကို (Scan Tab) တွင် ဓါတ်ပုံရိုက်ပါ။ ပြန်ဆိုမည့် ဘာသာ စာလုံးများကို Google Translate မှ အလိုအလျောက် Scan လုပ်သွားပါလိမ့်မည်။ ၅။ Scan ဖတ်ပြီးသော (လေးထောင့်ကွက်လေးထဲ ရောက်နေသော) စာလုံးများ ကို လက်ဖြင့် Highlight လုပ်ပါ။ ၆။ ပြန်ဆိုလိုသည့် ဘာသာစကားသို့ ပြောင်းသွားတာ တွေ့ရပါမည်။ ၇။ ၎င်းပြန်ဆိုမှု ကို အခြား option များ ထပ်လုပ်ချင်ပါက ဘေးရှိ အပြာရောင် မြှားကို နှိပ်ပါ။ ၈။ မူလစာမျက်နှာသို့ ပြန်ရောက်မည် ဖြစ်ပြီး အထက်က သင်ခန်းစာအတိုင်း ကြိုက်နှစ်သက်ရာ ပြုလုပ်နိုင်သည်။   Instant Translate လုပ်ခြင်း ၁။ Google Translate ကို ဖွင့်ပါ။ ၂။ ပြန်ဆိုမည် ဘာသာ နှင့် ပြန်ဆိုလိုသည့် ဘာသာကို ရွေးပါ။ ၃။ Camera ကို ဖွင့်ပါ။ Scan Tab ဘေးရှိ Instant Tab ကို နှိပ်ပါ။ Instant Translate က ဘာသာစကား ၃၈ မျိုးသာ ရပါသေးတယ်။ Instant Translate အတွက် ရရှိနိုင်သော ဘာသာ စကားများ ကို Download အရင် လုပ်ပါ။ ၄။ ပြန်ဆိုလိုသည် စာသားများကို Camera ဖြင့် ချိန်ပါ။ ဖုန်းစခရင်ပေါ်တွင် အလိုအလျောက် ဘာသာ ပြန်ဆိုပြီး ဖြစ်နေတာကို တွေရပါမည်။ (note – Instant Translation သည် မြန်မာမှ အင်္ဂလိပ် သို့ ပြန်ဆိုရန် မရရှိနိုင်သေးပါ။) လက်ရေးဖြင့် ဘာသာပြန်ဆိုခြင်း ဘာသာစကား ၉၃ ခု ကို လက်ရေးနဲ့ ဘာသာပြန်ဆိုနိုင်တယ်။ ၁။ Google Translate ကို ဖွင့်ပါ။ ၂။ ပြန်ဆိုမည့် ဘာသာ နှင့် ပြန်ဆိုလိုသော ဘာသာစကားကို ရွေးပါ။ ၃။ Handwriting ကို ရွေးပါ။ လက်ရေးဖြင့် ပြန်ဆိုမည့် ဘာသာကို ရေးပါ။ ၄။ ထို့နောက် ပြန်ဆိုလိုသည့် ဘာသာသို့ ပြန်ဆိုပြီး ဖြစ်ကြောင်း တွေ့ရပါမည်။ More Option ပြုလုပ်လိုပါက ဘေးရှိ အပြာရောင် မြှားကို နှိပ်ပြီး အထက်ပါ သင်ခန်းစာများအတိုင်း ဆက်လုပ်ပါ။ စကားအပြန်အလှန်ပြောခြင်းဖြင့် ဘာသာပြန်ဆိုခြင်း နိုင်ငံခြားသွားရင် သော်လည်းကောင်း ကိုယ်နားမလည်တဲ့ ဘာသာစကား ပြောသူ နှင့် ဆက်သွယ်ဆောင်ရွက်ရာတွင် သော်လည်းကောင်း အဆင်ပြေတယ်။ ၁။ Google Translate ကို ဖွင့်ပါ။ ၂။ ပြန်ဆိုမည့် ဘာသာ နှင့် ပြန်ဆိုလိုသည် ဘာသာကို ရွေးချယ်ပါ။ ၃။ Conversation ကို ရွေးချယ်ပါ။ ၄။ ဥပမာအားဖြင့် ​မြန်မာဘာသာ မှ အင်္ဂလိပ် ဘာသာ သို့ ပြန်ဆိုမည်။ အနီရောင် ဖြစ်နေသော မြန်မာဘာသာ ဖြင့် စကားပြောဆိုရမည် ဖြစ်ပြီး၊ အင်္ဂလိပ်လို ပြန်ဆိုပါလိမ့်မည်။ ၅။ အင်္ဂလိပ် မှ မြန်မာသို့ ပြန်ဆိုမည် ဆိုပါက English ကို နှိပ်ပါ။ အနီရောင်သည် English သို့ ပြောင်းသွားမည်။ ထိုအခါ အင်္ဂလိပ်လိုပြောရမည် ဖြစ်ပြီး၊ မြန်မာဘာသာ သို ပြန်ဆိုသွားမည် ဖြစ်သည်။ ၆။ More Option ပြုလုပ်လိုပါက ဘေးရှိ အပြာရောင် မြှားကို နှိပ်ပြီး အထက်ပါ သင်ခန်းစာများအတိုင်း ဆက်လုပ်ပါ။   အသံဖြင့်ဘာသာပြန်ဆိုခြင်း ၁။ Google Translate ကို ဖွင့်ပါ။ ၂။ ပြန်ဆိုမည့် ဘာသာ နှင့် ပြန်ဆိုလိုသည် ဘာသာကို ရွေးချယ်ပါ။ ၃။ Voice ကို ရွေးချယ်ပါ။ ၄။ Mic ပုံကို နှိပ်၍ ဘာသာပြန်လိုသည့် ဘာသာစကား ကို ပြောပါ။ ၅။ ပြီးပါက Mic ကို ထပ်နှိပ်ပါ။ ပြောထားသော စကားများကို ဘာသာပြန်ဆိုပြီး ဖြစ်ပါသည်။ ၆။ More Option ပြုလုပ်လိုပါက ဘေးရှိ အပြာရောင် မြှားကို နှိပ်ပြီး အထက်ပါ သင်ခန်းစာများအတိုင်း ဆက်လုပ်ပါ။ Document Translation ဒါကိုတော့ Website Interface မှာပဲ ပြန်လိုရမယ်။ Word, Excel, Power Point, Text file, PDF စတဲ့ ဖိုင်တွေကို Upload လုပ်ပြီး ပြန်လိုရမယ်။ ၁။ ကွန်ပြူတာထဲက သို့ ဖုန်းထဲက Browser ကို ဖွင့်ပါ။ ၂။ https://translate.google.com/ သို့သွားပါ။ Text translation ကတော့ အထက်ပါ သင်ခန်းစာ နဲ့ တူတူပဲ။ အသုံးပြု လေ့ကျင့်ကြည့်ပါ။ ၃။ Document Translation ကို သွားပါ။ ၄။ Browse your computer ကို နှိပ်ပါ။ သင့်ကွန်ပြူတာထဲ (သို့) ဖုန်းထဲရှိ .doc, .docx, .odf, .pdf, .ppt, .pptx, .ps, .rtf, .txt, .xls, တစ်ခုခုကို ရွေးပါ။ ၅။ Upload လုပ်ပြီး ရွေးချယ်ထားသော ဘာသာပြန်ဆိုလိုသည့် ဘာသာသို့ ဘာသာပြန်ဆိုချက် များ ရရှိမည် ဖြစ်သည်။ Website ကို ဘာသာပြန်ဆိုခြင်း Chrome Browser ကို သုံးရမယ်။ ၁။ https://chrome.google.com/webstore/detail/google translate/aapbdbdomjkkjkaonfhkkikfgjllcleb ကို သွားပါ။ ၂။ Google Translate ကို Chrome မှာ Install လုပ်ပါ။ ၃။ Chrome Extension မှာ Google Extension ကို Install လုပ်ပြီးပါက အောက်ပါအတိုင်း တွေ့ ရမယ်။ ၅။ My primary language မှာ သင်ပြန်ဆိုလိုတဲ့ ဘာသာကိုရွေးပါ။ Website တွင် မည်သည်ဘာသာ နှင့် ဖြစ်စေ သင်ရွေးချယ်ထားတဲ့ ဘာသာကို ပြန်ပေးမှာ ဖြစ်တယ်။ ဒီမှာတော့ မြန်မာဘာသာကို ရွေးချယ်ပြထားတယ်။ Save ကို နှိပ်ပါ။ ၆။ မြန်မာဘာသာဖြင့် မဟုတ်သော Website တစ်ခုကို ဖွင့်ပါ။ ဒီမှာတော့ Google Translate Wikipedia ကို ဥပမာအနေနဲ့ သင်ကြားမယ်။ https://en.wikipedia.org/wiki/Google_Translate သို့သွားပါ။ အောက်ပါအတိုင်း မြင်ရမည်။ ၇။ Google Translate Extension ကို နှိပ်ပါ။ Translate This Page ကို နှိပ်ပါ။ အောက်ပါအတိုင်း ဘာသာပြန်ဆိုပြီး ဖြစ်မည်။   ၈။ English ကို ပြန်သွားလိုပါက မူရင်းဖောင့် နေရာကို နှိပ်ပါ။   စကားစုတခုကို ဘာသာပြန်ဆိုခြင်း အကယ်၍ သင်က Website တစ်ခုလုံးမဟုတ်ပဲ စကားစု တစ်ခုကို ပဲ ဘာသာပြန်ဆိုချင်ပါက - ၁။ ၎င်းပြန်ဆိုလိုသော စာကားစု ကို Select လုပ်ပါ။ အနီးအနားတွင် Google Translate Icon ပေါ်လာမည်။ ထို Icon ကို နှိပ်ပါ။ ထို Icon ကိုမတွေ့ပါက Extension ဘားပေါ်ရှိ Google Translate Extension Icon ကို နှိပ်ပါ။ ၂။ မြန်မာဘာသာသို့ ပြန်ဆိုပြီး ဖြစ်သည်ကို တွေ့ရမည်။ Zawgyi နှင့် Unicode ကြား နည်းနည်းတော့ တိုင်ပတ်နေဆဲ ဖြစ်သည်။ သို့မဟုတ် ၃။ ထို Select လုပ်ထားသော စာကို Right Click ထောက်၍ Google Translate ကို နှိပ်ပါ။ ကိုယ်ပိုင် Phrasebook တည်ဆောက်ခြင်း သင် ဘာသာပြန်ဆိုထားသော မည်သည့်စကားလုံးကို မဆို ကိုယ်ပိုင် Phrasebook ထဲ ထည့်ထားနိုင်သည်။ ဘာသာပြန်ဆိုပြီးပါက ဘေးရှိ ကြယ်ပုံကို နှိပ်ပါ။ Favorite List အတွင်း ရှိနေမည် ဖြစ်သည်။ မည်သည်အချိန်တွင် မဆို ပြန်ကြည့်နိုင်ရန် ဖြစ်သည်။   Suggest and edit ဘာသာပြန်ဆိုချက်များ သည် မှားနေပါက သို့ မပြည့်စုံပါက Website Interface တွင် ဘာသာပြန်ဆိုချက် ပြီးပါက ညာဘက် အောက်တွင် ရှိသော Suggest an edit ဖြင့် ဝင်ရောက်ပြီး Contribute လုပ်နိုင်သည်။ ပြီးပါက SUBMIT ကို နှိပ်ပါ။

Sun, 09 Oct 2022

All blogs